پښتو

ژباړونکی د دې لپاره وي چې ستاسو او مسلکي کارکوونکو ترمنځ خبرې وژباړي. که اړتیا وي، دوی کولای شي د ښه پوهېدو لپاره اضافي معلومات، په ځانګړي ډول کلتوري معلومات، هم وړاندې کړي. ژباړونکي مکلف دي چې لاندې اصول مراعات کړي:

لومړی، د مسلکي محرمیت ساتل
ژباړونکي حق نه لري چې د ناستو او خبرو اترو په اړه له ټاکل شوې غونډې بهر له چا سره خبرې وکړي.

دوهم، روڼتیا او شفافیت
ژباړونکي ژمن دي چې که له ګډونوالو سره کورنۍ یا دوستانه اړیکه ولري، نو هغه به څرګندوي.

دریم، د هر څه ژباړلو مکلفیت
ژباړونکي باید په خونه کې ویل شوې ټولې خبرې وژباړي، حتی هغه خبرې چې تاسو یې د ژباړې غوښتنه نه کوئ.

څلورم، بې طرفي
ژباړونکي باید بې طرفه پاتې شي او په بحث کې د هېچا خوا وانخلي. دوی حق نه لري چې مراجعینو ته مشوره، لارښوونه یا سپارښتنې وکړي او داسې نور.

ژباړونکي د انترپرت د اخلاقي اصولو تابع دي

د غونډې پر مهال مراجع حق لري چې:

• د خبرو د بیا ویلو یا بیا تشریح غوښتنه وکړي.
• دقیق معلومات ترلاسه کړي او د مسلکي کارکوونکي خبرې په سمه توګه درک کړي.

• مهاجرو کسانو ته د عامه خدمتونو او اسانتیاوو ته له تبعیض پرته لاسرسی برابرول او له هغوی سره عادلانه چلند یقیني کول.
• د معلوماتو سم لېږد تضمینول، د کلتوري، ټولنیزو، اقتصادي، ژبنیو، عقیدوي او نورو توپیرونو په درک کې مرسته کول.
• د متقابل تفاهم او یو بل د پوهېدو لپاره مناسب شرایط رامنځته کول.

• د کار د ښه ترسره کېدو لپاره، متخصص یا مسئول شخص له ژباړونکي سره د غونډې له پیل مخکې او وروسته لنډه مشوره کوي.
• متخصص د مرکې یا خبرو اترو مشري کوي او هر ډول ابهام روښانوي.
• ګډونوال په درې اړخیز ډول (متخصص، مراجع او ژباړونکی) کېني.
• متخصص د ناستۍ چوکاټ تنظيموي، لکه وخت، ځای، د ناستې ترتیب او د سترګو تماس، او نور اړوند شرایطو ته پاملرنه کوي.
• ګډونوال باید لنډې، روښانه او ساده جملې وکاروي.
• ګډونوال باید خپلې خبرې منظمې او په ترتیب سره وړاندې کړي، ترڅو پرله‌پسې ژباړه اسانه شي.

دا اصول مرسته کوي چې خبرې اترې په ښه او مناسب ډول ترسره شي.