ትግርኛ

እቲ ተርጓሚ ኣብ መንጎኹምን ኣብ መንጎ ሰብ ሞያን ዘሎ ርክባት ንምትርጓም ኣብቲ ቦታ ኣሎ። ተርጐምቲ ብዝሓሸ መገዲ ንኽትርድእዎ ዚሕግዝ እንተ ዀይኑ፣ ተወሳኺ ሓበሬታ እንተላይ ባህላዊ ጠቀስ መግለጺ ክህቡ ይኽእሉ እዮም። ተርጐምቲ ከምዚ ዚስዕብ ኪገብሩ ግዴታ ኣለዎም፦

1. ናይ ሞያ ምስጢር ምዕቃብ
   ተርጐምቲ ካብቲ ምስ በዓል ሞያ እተመደበ ኣኼባታት ንደገ ኣውጺእካ ምዝራብ መሰል የብሎምን።

2. ግልጽነት
   ተርጐምቲ ምስቶም ዝትርጉሙሎም ሰባት ናይ ስድራ ቤት ርክብ ወይ ምሕዝነት ዘለዎም ምትእስሳር ክሕብሩ ኣሎዎም።

3. ንዅሉ ነገር ናይ ምትርጓም ግዴታ
   ተርጐምቲ ንዅሉ እቲ ኣብቲ ክፍሊ ዚዝረብ ነገራት እንተላይ ነቲ ክትርጐም ዘይትደሊዎ ነገራት ኪትርጕምዎ ኣሎዎም።

4. ኣድልዎ ዘይምህላው
   ተርጐምቲ ንኹሉ ማዕረ እዮም፣ ኣብቲ ምይይጥ ዝወስድዎ ወገንነት የብሎምን። ነቶም ተጠቀምቲ ክመኽሩ ወይ መመርሒ ክህቡ ወዘተ ኣይፍቀደሎምን እዩ።

ተርጐምቲ ኣብ ትሕቲ ሕጊ ስነ-ምግባር ጽሙዳት እዮም

ኣብ እዋን ኣኼባ እቲ/እታ ተጠቃሚ/ት ከምዚ ዚስዕብ ክገብር/ክትገብር መሰል ኣለዎ/ዋ፦

• እስከ ኣረድኡኒ / ድገሙለይ ምባል
• ቅኑዕ ሓበሬታ ክህልወካ ምግባርን በቲ ሰብ ሞያ ዝተባህለ መረዳእታ ምርካብን።

• ስደተኛታት ብዘይ ኣድልዎ፣ ናይ ህዝባዊ ኣገልግሎትን ጥቕምታትን ከምኡ’ውን ፍትሓዊ ኣተሓሕዛ ከም ዝረኽቡ ምርግጋጽ።
• ውሕስነት ምትሕልላፍ ሓበሬታ፣ ምርደዳእ ፍልልያት ከም (ባህላዊ፣ ማሕበረ-ቍጠባዊ፣ ሕብረተ-ሰብኣዊ፣ ቋንቋ፣ እምነታት፣ ወዘተ) ይፈቅድ።
• ሓባራዊ ምርድዳእ ኩነታት ምፍጣር።

• ንጽቡቕ ምርዳዳእ፣ እቲ ክኢላ ወይ ኣወሃሃዲ ቅድሚ ዝርርብን ብድሕሪኡን ምስ ተርጓሚ ሕጽር ዝበለ ምይይጥ ይገብር።
• እቲ ክኢላ ንርግጸኛ ዘይኰነ ነገራት እንዳኣነጸረ፣ ነቲ ቃለ-መጠይቕ ይመርሕ።
• እቶም ተሳተፍቲ ኣብ ሰለስተ ጠርዚ እዮም ዘዕልሉ: በዓልሞያ-ተጠቃማይ-ተርጓማይ።
• እቲ በዓል ሞያ፣ ኣድላዪ ናይ መዋቕር ኵነታት የረጋግጽ (ሰዓታት፣ ቦታ፣ ነውሰከፍ ተሳታፋይ ኮፍ ዝብለሉ ቦታ፣ ዓይኒ ንዓይኒ እንዳተራኣኣኻ ተዕልለሉ ኩነታት፣ ወዘተ)
• ተዛረብቲ ዕላሎም ብሓጺርን ብንጹርን ብቐሊልን ኢዩ ዝኸውን።
• ተዛረብቲ እቲ ዝርርቦም ብቐሊሉ ናይ ምርድዳእ መንፈስ ምእንቲ ክኸውን፣ ተኸታታሊ ምትርጓም ይሰርዑ።

እዞም ሕግታት እዚኣቶም፣ እቲ ምይይጥ ብጽቡቕ ኵነታት ይካየድ ከምዘሎ ንምርግጋጽ ይሕግዙ።