தமிழ்

உங்களுக்கும் தொழில்முறை நிபுணர்களுக்கும் இடையிலான உரையாடல்களை மொழிபெயர்ப்பதற்காகவே மொழிபெயர்ப்பாளர் உள்ளார். நீங்கள் சிறப்பாகப் புரிந்து கொள்ள உதவும் பட்சத்தில் கலாச்சாரம் சார்ந்த கூடுதல் தகவல்களையும் அவர்கள் வழங்கலாம். மொழிபெயர்ப்பாளர்களின் கடமைகள்:

1 - தொழில்முறை ரகசியத்தைப் பாதுகாத்தல்
திட்டமிடப்பட்ட அமர்வுகளுக்கு வெளியே உங்கள் உரையாடல்களைப் பற்றி பேச மொழிபெயர்ப்பாளர்களுக்கு அனுமதி இல்லை.

2 – வெளிப்படைத்தன்மை
உரையாடுபவர்களுடன் தங்களுக்கு உள்ள குடும்ப அல்லது நட்புரீதியான உறவுகளை வெளிப்படுத்த மொழிபெயர்ப்பாளர்கள் கடமைப்பட்டுள்ளனர்.

3 - அனைத்தையும் மொழிபெயர்க்க வேண்டிய கடமை
அறையில் பேசப்படும் அனைத்தையும் மொழிபெயர்ப்பாளர்கள் மொழிபெயர்க்க வேண்டும். நீங்கள் மொழிபெயர்க்க விரும்பாத விடயங்களும் இதில் அடங்கும்.

4 – நடுநிலைமை
மொழிபெயர்ப்பாளர்கள் நடுநிலையுடன் இருக்கக் கடமைப்பட்டுள்ளனர். மேலும் விவாதத்தில் எந்தப் பக்கமும் சாரக்கூடாது. பயனாளிகளுக்கு அறிவுரை வழங்கவோ வழிகாட்டவோ அவர்களுக்கு உரிமை இல்லை.

மொழிபெயர்ப்பாளர்கள் INTERPRET அமைப்பின் தொழில்முறை நெறிமுறைகளுக்கு உட்பட்டவர்கள்

அமர்வின் போது பயனாளிக்குப் பின்வரும் உரிமைகள் உள்ளன:

• மீண்டும் கூற, மாற்றி அமைக்கச் சொல்லிக் கேட்பது
• சரியான தகவல்களைப் பெறுவது மற்றும் தொழில்முறை நிபுணர் கூறுவதைப் புரிந்து கொள்வது.

• புலம்பெயர்ந்தோருக்குரிய பொதுச் சேவை சலுகைகள் மற்றும் சேவைகளில் பாகுபாடற்ற அணுகுமுறையையும் சமமான நடத்தையையும் உறுதி செய்தல்.
• தகவல்கள் சரியாகக் கடத்தப்படுவதை உறுதி செய்தல்; வேறுபாடுகளைப் (கலாச்சார, சமூகப் பொருளாதார, சமூகம் சார்ந்த, மொழி, நம்பிக்கைகள் போன்றவை) புரிந்துகொள்ள வழிசெய்தல்.
• பரஸ்பர புரிதலுக்குத் தேவையான சூழ்நிலைகளை உருவாக்குதல்.

• சுமுகமாக நடைபெறுவதை உறுதி செய்வதற்காக, அமர்விற்கு முன்னும் பின்னும் நிபுணர் அல்லது சேவை வழங்குபவர் மொழிபெயர்ப்பாளருடன் ஒரு சுருக்கமான உரையாடலை மேற்கொள்கின்றார்.
• நிபுணர் உரையாடலை நடத்துவதற்கும், சந்தேகங்களைத் தெளிவுபடுத்துவதற்கும் பொறுப்பேற்கின்றார்.
• பங்கேற்பாளர்கள் முத்தரப்பு உரையாடல் முறையில் அமர்த்தப்படுகிறார்கள்.
• நிபுணர் தேவையான அடிப்படை நிபந்தனைகளை உறுதி செய்கின்றார். (நேரம், இடம், இருக்கை ஒதுக்கீடு, கண் தொடர்பு போன்றவை)
• உரையாடுபவர்கள் சிறிய, தெளிவான மற்றும் எளிமையான வாக்கியங்களைப் பயன்படுத்துகிறார்கள்.
• தொடர் மொழிபெயர்ப்பை எளிதாக்கும் வகையில் உரையாடுபவர்கள் தங்கள் பேச்சை முறைப்படுத்துகிறார்கள்.

இந்த விதிகள் விவாதம் நல்ல சூழ்நிலையில் நடைபெற உதவுகின்றன.